محمد الخنيفر

محمد الخنيفر

محمد الخنيفر: المملكة تصدر صكوك دولية محمد الخنيفر.

فيديو محمد الخنيفر



صورة العدد السابق

وفي السعودية، يمتلك فن الكاريكاتير مكانة خاصة لدى القراء، فقد تزامن ظهوره مع تطوُّر الصحف السعودية وبداية ظهورها يوميًّا



مزيد من المعلومات حول محمد الخنيفر

دنانةٍ نلعب بها عصـــرها فات

يدفعها صيخٍ مجوف من قواطي

قضابه من العودان يفك ازمات

عند التحدي ماتبين المــــواطي

يركض وراها بما تهيأ من أوقات

من سرعته تقول يطق بسياطي

سعود عبدالعزيز الهزاع - نعام

وقت الطفوله حلو ياناس

تحلا به العاب شعبيه

اللعب متعه ولا به باس

ثوبه جديد او طاقيه

عبدالكريم عبد الرحمن السلوم - القراين

هذا زمانٍ راح محدٍ بناسيه

يا زين وقتٍ فات وحبه زياده

هذا التراث الكل يفرح بماضيه

ياما حلا ذكراه فيه السعاده

واللي بسني ربنا اليوم يهديه

يمارس التفحيط ولامن ركاده

سبة ابوه اللي بها الفعل راضيه

على الخطر يمشي وسو القياده

محمد عبدالعزيز الخنيفر - أشيقر

لا زالت النفس مشتاقه وولهانه

لبيوتنا الطين والطِّيبه وحارتنا

طاقيّه مْشَجّره والرِّجْل حفيانه

صوره مِنَ أحوالنا أيام صَغْرَتْنا

واكبر طموحاتنا لِعْـــــبٍ بِدَنَّانَه

وعْظِيمِ ساري يِسَلِّينا بِسَهْرَتْنا

رغم البساطه بها الأرواح فرحانه

واليوم بعد الرخا قَلّت سعادتنا

ناصر جمعان آل عوض - وادي الدواسر

الله على لعبـــــــــة الدنان

يوم الولد لعبته ســـــــــــــــهله

من دون يشري من الدكان

ومن دون تنقص فلوس اهله

ماغير يلقط من العودان

ويجيب قوطي .. على مهله

ومعهن حديدة غطا درمان

مدوره زين منســـــــحله

تصير لعبه ترى ياخوان

تسوى دراهم وتصلح له

عبدالكريم النغيمشي- لوذة

من صفحة الماضي جميلات الالعاب

شي قديم عند الاطفال مرغوب

يلقى رواج من صغيرين واشياب

واللي يطبق كل الالعاب موهوب

دنانة تدفع من الخلف تنساب

هي جنط سيكل للكفرات محسوب

علي الرشيد - رياض الخبراء

ياما لهو ناسٍ قديمين مبطين

يوم العبوا في كل حزّه وحاره

وقت الدناين والمباني من الطين

عهد الطفوله والشوارع مساره

لايا ولد وينك تشوف المحبين

الجار مايعرف عن احوال جاره

عالم من الأسرار والناس ماشين

كلٍ على الجوال لابد بداره

حمد عبدالله الوايلي - حوطة سدير

طاقيةٍ صفراء وباليد دنان

نذكر بها وقت الصبا والشبابي

ياما لعبنا بالسياكل والألوان

نكتب بها الذكريات العجابي

يا بكر وعيوني مليانه بالأحزان

ذكرتنا الماضي والشوارع ترابي

أيـام راحت كـأنها كان وما كـان

راحــوا معـاها أجــدادنا واعذابي

خالد ناصر المخيمر- روضة سدير

ألعابنا في ما مضى والقديمه

فيها الهدوء من دون ساهر وزحمات

واليوم قلّت بالصراحه عديمه

قوموا بها ياهل العقول السليمات

لاتتركوها ياعساها مديمه

نذكِّر بها الاجيال عن ماضيٍ فات

ياربعنا ياهل العقول السليمه

انتم رجال اليوم أهل المروات

ريان محمد الخنيفر

الطفل هذي لعبته ماضي الاوقات

حـــــديدةٍ يدفها مســـــــــــــتديره

وايامه ايام الرضا والبساطات

وحاجات ألعابه أمورٍ يسيره

وطاقيته تميزت بالرسومات

والثوب قد خاطته امٍ شطيره

بسيط في مجمل حياته وبالذات

باللبس والعادات جهر وسريره

سعود عايش الحربي - جدة

طفلٍ صغيرٍ يلعب اللي تمناه

يوم الصغر .. يوم الحياة الجميله

يلعب .. ويمرح .. والسعاده بدنياه

في حارةٍ فيها الشوارع قليله

والنور شعشع باينٍ في زواياه

ولا غاب نوره عودته مستحيله

بشائر القحطاني - الرياض

نرحب بمشاركاتكم الشعرية

وما تلتقطه عدساتكم من الصور الهادفة

والطريفة على إيميل الخزامى:

rb-khozama@alriyadh.com

صورة العدد السابق

Source: http://www.alriyadh.com/1597524


محمد الخنيفرمحمد الخنيفر

Leave a Replay

Submit Message